Бөгелмәдә машина йөртүчеләргә массакүләм тикшерү үткәрәчәкләр

Бөгелмәдә юл-патруль хезмәте нарядлары төркемнәре машина йөртүчеләр тарафыннан юл хәрәкәте кагыйдәләрен бозуның аерым төрләрен ачыклау өчен массакүләм тикшерү буенча профилактик чаралар үткәрәчәк.

Рейдның максаты – исерек хәлдә яки хокукы булмаган килеш транспорт чаралары белән идарә итүче,  куркынычсызлык каешларын куллану, пассажирлар һәм балаларны йөртү кагыйдәләрен бозучы машина йөртүчеләрне ачыклау.

Чаралар Петровка чыгу юлында, Казан–Оренбург юлының 317нче километрында, 25 декабрьдә сәгать 14:30дан 15:30га кадәр планлаштырылган.

Исегезгә төшерәбез, Дәүләт автоинспекторлары “Бөгелмә ЮХИДИ” телеграм-каналы булдырдылар: https://t.me/dps_bugulma, анда аноним рәвештә исерек хәлдә руль артына утыру фактлары турында язарга һәм юл хәрәкәте кагыйдәләрен бозуга кагылышлы башка сораулар бирергә мөмкин.

Барлык хәбәрләр дә тикшереләчәк.

Мөрәҗәгатьләр аноним рәвештә бастырыла.