Бөгелмә ЮХИДИ бүлеге хезмәткәрләре юл хәрәкәте кагыйдәләрен бозу очракларын ачыклау буенча тикшерү үткәрде

11 июньдә иртәнге сәгать 6дан 8гә кадәр Казан-Оренбург автоюлының 312нче чакрымында ЮХИДИ трасса взводының шәхси составы, юл хәрәкәте кагыйдәләрен тупас бозуларны ачыклау максатыннан, машина йөртүчеләрне  тикшерү буенча профилактик чара үткәрде.

Бу вакыт эчендә юл хәрәкәте кагыйдәләрен бозуның ун очрагы ачыкланды. Бер машина йөртүченең үзе белән “ОСАГО” полисы булмаган, ике машинаның дәүләт номерлары укылмый торган хәлдә булган, җиде машина йөртүче куркынычсызлык каешларын эләктерергә тиешлекләрен “оныткан”.