Үзәк китапханәдә “Террорчылыкка түзәргә ярамый” дигән китап күргәзмәсе эшли
Россиядә 3 сентябрьдә Террорчылыкка каршы көрәштә бердәмлек көне билгеләп үтелә. Бу вакыйга 2004 елда бөтен дөньяны тетрәндергән Бесландагы фаҗигага багышланган.
Бүгенге көндә әлеге афәткә каршы көрәш безнең дәүләтнең иң мөһим бурычларыннан берсе булып тора, дип ышанып әйтергә була. Терроризмга каршы көрәшергә генә түгел, аны кисәтергә, кешеләргә гап-гади белемнәр белән коралланырга ярдәм итәргә дә кирәк.
Үзәк китапханәдә тәкдим ителә торган китап күргәзмәсендә төрле авторлар гадәттән тыш хәлләр, халыкларны, территорияне андый чакларда ничек якларга, үзеңне ничек тотарга, төрле җәрәхәтләр, пешүләр, агуланулар, аң югалту вакытында беренче ярдәмне ничек күрсәтергә икәнлеге һ. б. турында практик киңәшләр бирәләр.
Бу мәгълүмат катлаулы һәм куркыныч вәзгыятьтә дөрес карарлар кабул итәргә ярдәм итәчәк.
Ольга Карпова, әйдәп баручы китапханәче
Светлана Клецова фотолары
Следите за самым важным и интересным в Telegram-каналеТатмедиа
