Бугульминская газета

Бөгелмә районы

16+
Рус Тат
2024 - год Семьи
Яңалыклар

Югары Кәминкә авылында тагын бер чишмәне яңарттылар

Аны яңартып, төзекләндереп, бәйрәм ясап, ал тасмалар кисеп ачтылар. 

Чирмешән Югары Кәминкә авылында берничә дистә ел элек югалган Әбзүния әби чишмәсен яңарттылар. Аны яңартып, төзекләндереп, бәйрәм ясап, ал тасмалар кисеп ачтылар. Бу хакта «Безнең Чирмешән» газетасы яза. 

Бу эшнең инициаторы һәм иганәчесе Рәйсә  Ризванова.

«19 яшемдә авылдан чыгып киткән идем һәм гомерем буена монда кайтып бала чакта су ташыган чишмә суын эчәргә хыялландым. Чишмә югалганын, таллар астында калганын белгәч бик кайгырдым. Ничек булса да аны торгызу уе башымнан чыкмады. Аллага шөкер, минем бу теләгемне авылдашлар куәтләде, күмәк көч белән шундый зур эшне башкарып та чыктык, рәхмәт», – диде Рәйсә апа. 

Авыл халкы агачлар астында калган чишмәне эзләп табып, аннан торба сузып, улакка ага торган итеп эшләгән. Әлеге чыганакка төшә торган сукмакка, эретеп ябыштырып, тимер басмалар ясаганнар. Чишмә буенда ял итү өчен өстәл һәм утыргычлар да бар.

Әбзүния чишмәсен ачу тантанасына әлеге эшне башкаручылар, авылның өлкәннәре җыелган. Биредә Коръән укып, чишмәнең тәмле суыннан авыз иткәннәр, тәм-томнар белән сыйланганнар, диелә хәбәрдә. 

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса