Җыр – гомер юлдашыбыз

Җыр-моңга гашыйк Габдрахмановлар гаиләсе тормышларын халыкта матурлыкка, иҗатка мәхәббәт уятуга һәм татар халкының гореф-гадәтләрен торгызуга багышлыйлар:
Җырлап яшик, җырлы күнелләрне 
Кайгы-хәсрәт hич тә алалмас.
Моңы-көе жырчылары булган,
Теле исән халык югалмас.

Бөгелмә шәһәре һәм районы элек-электән җыр-моңга гашыйк кешеләре белән дан тоткан. «Җәүһәрләрне — бөртекләп» рубрикасында шәһәребездә һәм авылларыбызда яшәп, мәдәният өлкәсендә иҗат итүче талантларыбыз белән таныштыруны дәвам итәбез.

Проектыбызның чираттагы кунаклары бик күп муниципаль, региональ, халыкара бәйгеләр җиңүчесе Техника йортында иҗат итүче талантлы белгечләр, иҗади гаилә Ришат белән Людмила Габдрахмановлар, һәм аларның үзләре кебек үк җыр-моңга гашыйк кызлары Резеда.

Иҗади гаилә белән «Бөгелмә авазы» газетасының 22нче санында таныша аласыз.