Язгы яхшылык атнасы

Бөгелмә педагогия көллияте студентлары - булачак тәрбиячеләр үзләре өчен изгелеккә, матурлыкка, дуслыкка язгы ишекләрне ачтылар.

"Язгы яхшылык атнасы" Гомумроссия иреклеләр акциясе ел саен 19 апрель көнне старт алса да, Бөгелмә мәктәпкәчә белем бирү учреждениеләре нәниләре өчен ул инде башланып китте.

Акция кысаларында студентлар 18 нче "Кыңгырау" бакчасында кунакта булдылар, балалар белән берлектә, булачак тәрбиячеләр уйлап тапкан әкияткә сәяхәт кылдылар һәм башка күңелле чараларда күңел ачтылар.