Яман чирләрдән ничек сакланырга

Грипп, ОРВИ һәм короновирустан шәхсән саклану чаралары:

1нче кагыйдә. КУЛЛАРНЫ ЮАБЫЗ

– җәмәгать урыннарында, транспортта йөреп кайткач, төрле ишек тоткаларын, акча, техника җиһазларын тоткач, ашар алдыннан һәм ашарга әзерләргә керешер алдыннан кулларны юыгыз;

– кирәк чакта гына су һәм сабын булмаса, дезинфекцияләү чаралары, юеш салфеткалар кулланырга була;

– юмаган кул белән бит-авыз тирәсен, күзләрегезне сөртмәгез, ышкымагыз;

– һәркемнең сөлгесе аерым булсын.

2нче кагыйдә. ЭШ УРЫННАРЫНДА ГИГИЕНА ТАЛӘПЛӘРЕН САКЛЫЙБЫЗ

– эш урыныгыз чиста булсын;

– өстәл, урындык өсләрендә, ишек тоткасындагы, клавиатура, монитор, сумка өслекләрендәге вирусларны юк итү өчен сабынлы су яки башка чистарткыч сыекчалар кулланыгыз;

– эштә дә, өйдә дә бүлмәләрне еш җилләтеп торыгыз, тузаннарны дымлы чүпрәк белән сөртегез.

3нче кагыйдә. ГОМУМИ ГИГИЕНА ТАЛӘПЛӘРЕН ҮТИБЕЗ

– һәр көн саен душта коеныгыз, чәчләрегезне юыгыз. Истә тотыгыз, таратып салынган чәч йогышлы авыру эләктерү ихтималын арттыра;

– битегезне, борын куышлыгын көнгә 3-4 тапкыр юып торыгыз;

– кул кысышулар, кочаклашулар, үбешүләрдән тыелып торыгыз; 

– эш урыннарында махсус билгеләнгән урыннарда гына тукланыгыз.

4нче кагыйдә. БИТЛЕК БЕЛӘН СУЛЫШ ЮЛЛАРЫН САКЛЫЙБЫЗ

– кешеләр күп җыела торган җирләрда булганда, медицина маскалары киегез;

– битлекне дөрес файдалану мөһим: ул авыз-борын томаланырлык итеп, яхшылап беркетелгән булырга тиеш; ике сәгать саен, ә дымланган, юешләнгән масканы шунда ук алыштырырга кирәк;  салганда аның өслегенә кул белән кагылмаска тырышыгыз; бер битлекне ике тапкыр кулланмагыз, чүп савытына ташлагыз; ачык һавада йөргәндә, битлек кяргә киңәш ителми;

– сатып алырга булмаса, 4 катлы марлядан битлекне үзегез дә тегә аласыз;

– файдалана торган кулъяулыкларны көн дә юып, ике яклап үтүкләп торырга кирәк. Иң яхшысы – кәгазь кулъяулык кулланып ташлау.

5нче кагыйдә. ЧИР БИЛГЕЛӘРЕ КҮРЕНСӘ, БОЛАЙ ИТӘБЕЗ

– кешеләр белән аралашуны чикләргә;

– өйдә торыгыз яки медицина учреждениесенә мөрәҗәгать итәргә;

– аерым савыт-саба, сөлге-тастымал тотыгыз, аларны яхшылап юып куярга кирәк.

6нчы кагыйдә. КОМАНДИРОВКАГА ЯКИ КАЯДЫР БАРЫРГА КИРӘК БУЛСА

–  вируслы авырулар таралу даирәсе куркыныч зонага керә торган җирләргә барудан тыелыгыз;

– бару кичектергесез икән, кайчан һәм кая барырга җыенуыгызны эш урынында әйтеп куегыз; 

– барып кайткач, 14 көн дәвамында төрле элемтәләрдән, арлашулардан читләшегез.

Саклану кыен түгел. Үзегез турында уйласагыз, якыннарыгыз да имин булыр!

Короновирус авыруын профилактикалау буенча “кайнар линия” телефоннары:

Татарстан Республикасы “Роспотребнадзор” идарәсе:  8 (843) 296-02-24

Татарстан Республикасы Сәламәтлек саклау министрлыгы: 8 (843) 231-20-70