Ватан Геройлары көнендә Линар Закиров һәлак булган Андрей Винниковның әти-әнисенә Батырлык ордены тапшырды

Хәрби бурычны үтәгәндә күрсәткән батырлыгы һәм фидакарьлеге өчен Россия Федерациясе Президенты Владимир Путинның 2022 елның 15 октябрендәге Указы белән рядовой Андрей Вадимович Винников үлгәннән соң Батырлык ордены белән бүләкләнде.

2нче лицейда Бөгелмә муниципаль районы башлыгы Линар Закиров һәм шәһәр һәм район хәрби комиссары Рафаэль Миңнетдинов Вадим Николаевич һәм Клавдия Петровнага бүләк тапшырдылар.

"Герой улыгыз өчен рәхмәт. Без югалту газапларын уртаклашабыз. Иң яхшыларны, кадерлеләрне югалту авыр. Мәңгелек хәтер!",- дип мөрәҗәгать итте әти-әнигә район башлыгы Линар Закиров.

Андрей Винников 2000 елның декабрендә Бөгелмәдә туган. 2нче лицейны, Бөгелмә машина төзелеше техникумын тәмамлый. 2020 елның сентябрендә ул Оренбург өлкәсенең хәрби частенә контракт буенча хәрби хезмәткә китә. Рядовой Андрей Винников хәрби задание үтәлгәндә һәлак була.