Татарстанда “Мирас волонтерлары мәктәбе” курсының икенче сезоны башлана
Дәресләр “Мәдәният” милли проекты буенча тормышка ашырыла.
Татарстанда “Мирас волонтерлары мәктәбе” социаль практик-теоретик курсының икенче сезоны старт ала. Дәресләр “Мәдәният” милли проекты кысаларында бушлай үткәреләчәк. Бу хакта куратор Фәридә Зәбирова сөйләде.
Ул хәбәр иткәнчә, быел проектта төрле программалар буенча берьюлы 10 төбәк катнашачак. 2 мең кешене җәлеп итү планлаштырыла.
“Бу - гражданнарны мәдәни мирас объектларын саклау темасы белән таныштыруга юнәлдерелгән агарту проекты”, - дип аңлатты Ф. Зәбирова.
Бары тик көндезге формада булачак укыту үз эченә агач конструкцияләрне, таш һәм кирпеч эшләнмәләрен, металл элементларны реставрацияләү күнекмәләрен алачак. Теория блогы 7 сәгать булачак, гамәли блок - 18 сәгать.
Следите за самым важным и интересным в Telegram-каналеТатмедиа
