Үзмәшгуль бөгелмәлеләр маркетплейсларда мөстәкыйль эш буенча белем ала ала

Татарстан Республикасы Икътисад министрлыгы ярдәме белән Татарстан Республикасы Эшкуарлыкка ярдәм фондының «Минем бизнес» үзәге үзмәшгуль гражданнар өчен «Маркетплейсларда эшләү буенча укыту модульләренә язылу» дигән бушлай хезмәт күрсәтүгә гаризалар кабул итүне башлап җибәрде.

Үзмәшгульләр «Кече һәм урта эшкуарлык» милли проектын тормышка ашыру кысаларында белем ала алачак.

«Россиядә Интернет-сәүдә яңа рекорд куйды: 2023 елның икенче кварталы нәтиҗәләре буенча маркетплейсларда һәм интернет-кибетләрдә сәүдә итүче Россия эшкуарларының әйләнеше 63% ка артты. Хәзер интернет-сәүдәнең үзенчәлекләрен яхшы белгән кадрлар кирәк. Бу максатлар өчен махсус үзмәшгульләр өчен маркетплейсларда эшләү юнәлеше буенча укыту модульләре эшләнде», — дип уртаклашты Татарстан Республикасы Эшкуарлыкка ярдәм Фонды генераль директорының беренче урынбасары — «Минем бизнес» үзәге җитәкчесе Линара Борханова.