Узган атнада 123 бала ОРВИ белән авырган

ТР буенча Роспотребнадзор идарәсенең Бөгелмә территориаль бүлеге хәбәр иткәнчә, узган атнада Бөгелмә районында 397 ОРВИ очрагы теркәлгән. Узган атна белән чагыштырганда, авыручылар саны 1,5 процентка арткан. 

Балалар арасында ОРВИ авыруы 123 очрак тәшкил иткән. Балалар арасында авыру 18,2% ка кимегән. Узган атнада эпидемиологик чик толерант күрсәткечтән 39,9% ка түбәнрәк.Узган атнада грипп очраклары теркәлмәгән.

Узган атнада хастаханәдән тыш пневмониянең 8 очрагы теркәлгән, авыру дәрәҗәсе түбәндә калган. Яңа коронавирус инфекциясе узган атнада 12 очрак теркәлгән, шуларның 2се стационарга салынган, калганнары амбулатор рәвештә дәвалана. Нәтиҗәләр билгеләнгән тәртиптә расланган. Барлык пациентлар да медицина күзәтүе астында.

Барлык гражданнарга, бигрәк тә куркыныч төркемдәге кешеләргә (өлкәннәргә, хроник авырулары булган кешеләргә) җәмәгать урыннарына баруны мөмкин кадәр киметергә, шәхси гигиена кагыйдәләрен үтәргә, хәле начарланган очракта өйдә калырга һәм медицина ярдәме сорап мөрәҗәгать итәргә кирәк.