Утыз алты штраф өчен внедорожник

Казанның Вахитов районы бүлеге Суд приставлары Бөгелмә РОСП коллегалары үтенече буенча бурычлыларның милкен арестка алалар. 

«Рендж Ровер» автомобиле руле артында төзелеш компаниясе хезмәткәрләре 21 500 сумлык 36 ЮХИДИ штрафы җыйган. Россия ГУФССПның ТР буенча матбугат хезмәте хәбәр иткәнчә, компания җитәкчелеге бурычны ирекле түләү өчен билгеләнгән срокта түләмәгән, шуңа күрә пристав-башкаручы 40 мең сум күләмендә башкаручы җыенын түләтү турында карар чыгарган. Нәтиҗәдә, бурыч суммасы өч тапкырга диярлек арткан. Әмма бу да бизнесменнарны бурычларын түләргә мәҗбүр итмәгән. 

Аннан соң мәҗбүри башкару чарасы, ягъни чит ил машинасын кулга алу һәм махсус тукталышка эвакуацияләү. Бурычлы кешенең бурычын түләргә 10 көне булган, югыйсә машинаны аукционда саткан булырлар иде. Төзүчеләр моңа юл куймаганнар һәм кирәкле сумманы тулы күләмдә түләгәннәр.