Уфада 2018 елда беренче өч игезәк туган

("Татар-информ"). Уфада Г.Куватов исемендәге республика клиник бала тудыру йортында 2018 елда беренче өч игезәк туган. Бу хакта "Башинформ" хәбәр итә.

Өч ир баланың әнисе - Нефтекамск шәһәреннән Гүзәл Нургалиева. Ул биредә йөклелек чоры дәвамында табиблар күзәтүендә булган. Ә декабрьдә бала тудыру йортында саклануда булган.

Балалар кесарев кисеме ярдәмендә дөньяга килгән. Йөклелек азагында булачак әнигә 7,5 килограммга кадәр авырлык күтәреп йөрергә туры килгән. Ә мондый очракта өч игезәкне табиблар ярдәменнән башка гына тудыру мөмкин түгел диярлек, диелә хәбәрдә.

Сүз уңаеннан, узган ел Уфада өч игезәк туу очрагы ике тапкыр гына булган.