Туган якны өйрәнү китабына юл – авторның үзе аша

Үзәк китапханә хезмәткәрләре (“Позитив” Яшьләр үзәге) 1нче мәктәптә интеллектуаль десант оештырдылар.

Китапханәчеләр белән бергә мәктәпкә “Казан милли тикшеренү технология университеты” Бөгелмә филиалының өлкән укытучысы Станислав Владимирович Недобежкин, тарихчы-туган якны өйрәнүче, фәнни-тикшеренү мәкаләләре, шулай ук Бөгелмә һәм Бөгелмә районы тарихы буенча китаплар авторы Станислав Владимирович Недобежкин да килде.

         Станислав Владимирович аралашуны “Ә сез Бөгелмә турында нәрсә беләсез?” дип башлады. Бәхеткә балаларның үз шәһәрләре турында мәгълүматлары бар иде. Ә кунак алар белән Бөгелмәнең мифлары һәм легендалары: “Пугачев” мәгарәсе, хәзинәләр, үзәк мәйданның тарихы, сәүдәгәр Хәкимов йорты һәм башка тарихи биналар, галим, тарихчы, мәгърифәтче П. Рычков һәм Спас авылы турында сөйләште.

         Әңгәмә барышында балалар Станислав Владимировичтан ничә яшьтә тарих белән кызыксынуы барлыкка килүен, кирәкле мәгълүматны табу авырмы икәнен сорадылар. “Бөгелмәдән китү теләге тумадымы?” - дигән сорауга Станислав Владимирович тискәре җавап бирде, ул үзенең туган Бөгелмәсен ярата, һәм аны үзенең кече Ватаны патриоты булуы турында зур горурлык белән сөйли.

         “Китап битләрендә Бөгелмә тарихы” дигән китап күргәзмәсендә С.В. Недобежкин монографияләре, Бөгелмә турында китаплар тәкъдим ителде.

           Чара бик кызыклы һәм мавыктыргыч үтте. Мондый очрашулар һәрчак файдага була. Яшь бөгелмәлеләргә үзләренең талантлы якташларын белү, алар белән горурлану, димәк, үз туган төбәгеңне хөрмәт итү.

Нина ИПАТОВА,

яшьләргә хезмәт күрсәтү бүлеге мөдире

“Позитив” яшьләр үзәге

Юлия СИДОРЕНКО фотосы