ТР Дәүләт комитеты рәисе Бөгелмә архивы эше белән танышты

4 августта Татарстан Республикасының Архив эше буенча Дәүләт комитеты рәисе Габдрахманова Гөлнара Зәкәрия кызы (# gulnarazakarievna) Бөгелмә муниципаль районы архивына эш визиты белән килде.

Визитның максаты архив эшчәнлеге, перспективалы һәм агымдагы эш планнары белән танышу иде. Очрашу барышында архив тармагының киләчәк үсеше мәсьәләләре буенча фикер алыштылар һәм күп кенә актуаль мәсьәләләрне хәл итү тәҗрибәсе белән уртаклаштылар.

Рәискә архив бинасы буенча экскурсия үткәрелде, фондта сакланыла торган уникаль документларны тәкъдим итүче күргәзмә экспозицияләре белән танышу аеруча тәэсир итте.

Гөлнара Зәкәриевна уртак эш, шулай ук күп кенә кызыклы  проектларны тормышка ашыру хакына уңышлы хезмәттәшлекне дәвам итүгә ышаныч белдерде.

Чыганак: ТР Бөгелмә муниципаль районы Башкарма комитеты җитәкчесе Артур Гершиковның социаль челтәре.