"Татнефть» ГАҖ: пандемия чорында хәйрия инициативалары

2020 елның мартында «Татнефть» ГАҖ пандемиясе чорында муниципаль берәмлекләр штаблары, “Роспотребнадзор”, Гадәттән тыш хәлләр министрлыгы белән оператив хезмәттәшлек итү өчен коронавирус инфекциясе таралуны кисәтү буенча үзәк штаб оештырылды, шундый ук штаблар компания предприятиеләрендә аларның территориаль урнашу урыннарында оештырылды. Бөгелмәдә һәм Бөгелмә районында штаб җитәкчесе итеп Михаил Швецов билгеләнде.

Кыска вакыт эчендә саклану чараларын, дезинфекцияләүче эремәләрне, зарарсызландыру чараларын әзерләү һәм китерү буенча эш оештырылды. Бөгелмә муниципалитетына 160 мең сумнан артык бәягә саклагыч битлекләр һәм костюм тегү өчен тукымалар һәм башка чималлар тапшырылды.

Шәһәр урамнарын эшкәртү өчен «Татнефть» компаниясе махсус җәлеп иткән дезинфекцияләү эремәләре булган техника – 7,5 миллион сумлык. Торак йортларның подъездларын эшкәртү өчен дә шәһәрнең торак-коммуналь хезмәтләренә дезинфекция чаралары тапшырылды. Завод хезмәткәрләре көче белән компания хезмәткәрләре яши торган йортлардагы 40тан артык подъезд эшкәртелде.

10 апрельдә Казанга дөньяда иң зур йөк очкычы саналган "Руслан" самолетында махсус рейс белән 6 миллионга якын медицина битлеге, җитештерүчәнлеге аена 3,5 миллион данә булган 6 җитештерү линиясе, башка төрле саклану чаралары, коронавирус белән авыручыларны ташу өчен герметик бокслар китерелде. Компания шулай ук инфекциягә каршы комплектлар – куртка, чалбар, халат, алъяпкычлар, җиңсәләр, башлык, бахиллар һәм күзлекләр җитештерү өчен бактерицид якланган материаллар да сатып алды.

Шул ук вакытта Түбән Кама шәһәрендәге «ТАНЕКО» комплексында антисептик матдәләр җитештерү җайга салынды, алар белән «Татнефть» төркеме предприятиеләре, медицина һәм социаль учреждениеләр тәэмин ителә.

Компания коронавирус инфекциясенә каршы көрәш өчен Бөгелмә медикларына саклагыч костюмнар, күзлек, бокслар, гомуми суммасы 450 мең сумнан артык бәягә бактерицид лампалар, Татарстанның көньяк-көнчыгышындагы ашыгыч ярдәм машиналары өчен ягулык карталары тапшырылды.

“Татнефть” составындагы Бөгелмә механика заводы йогышлы авырулар хастаханәсенең түбәсен һәм эчке бүлмәләрен ремонтлауда 1 миллион сумлык ярдәм күрсәтте; Бөгелмә эчке эшләр бүлегенә шәхси саклану чаралары тапшырды, шәһәргә керү юлында блокпостлар төзүдә ярдәм итте.  

Бөгелмәдә волонтерлар отряды оештырылды, аның составына «Татнефть» компаниясе хезмәткәрләре дә керде, 700дән артык гариза эшкәртелде. Бер генә мөрәҗәгать тә игътибарсыз калмады. Волонтерлар өлкәннәргә медикаментлар һәм азык-төлек, хәйрия тупланмалары ташыды.

Хәйрия акциясе кысаларында, "Татнефть" компаниясе хезмәткәрләре, оешмалар һәм шәхси хәйриячеләр тарафыннан 19 миллион сумнан артык иганә җыелган. Бу акчага иң кирәкле продуктлардан (макарон, ярма, тушенка, балык консервлары, шикәр, көнбагыш мае һ.б.) 20 меңнән артык җыелма әзерләп, ялгыз пенсионерлар, физик мөмкинлекләре чикле кешеләр, күп балалы һәм авыр тормыш шартларына дучар булган гаиләләр, төрлеуку йортлары студентларына тапшырылды.

«Татнефть» хәйрия фонды ярдәме белән дистанцион белем бирү процессын тәэмин итү өчен күп балалы гаиләләрне оештыру техникасы: ноутбуклар, планшетлар, смартфоннар белән тәэмин итү буенча җитди эш башкарылды. 100дән артык техника тапшырылды, өстәмә планшетлар шәхси иганәләр хисабына сатып алынды.

Бүгенге көндә компания җитәкчелеге коронавирус инфекциясен таратмау һәм “Роспотребнадзор”ның барлык киңәшләрен үтәү буенча чараларны озайту турында карар кабул итте.