Татарстанның росгвардиячеләре 40 яңа хезмәт автомобильләреннән ачкычлар алды

Бүген Татарстан Республикасы Президенты Рөстәм Миңнеханов Россия Федерациясе Милли гвардиясе гаскәрләре федераль хезмәтенең Татарстан Республикасы буенча идарәсе оешуга биш ел тулу уңаеннан ведомство вәкилләренә 40 яңа автомобиль ачкычларын тапшырды. Ведомствоның автопаркына 19 «Лада Веста», 20 «Лада Гранта» һәм бер «Луидор»микроавтобусы өстәлде. Бу хакта ИА «Татар-информ» яза.

Тантаналы чара Казанның «Пирамида»мәдәни-күңел ачу комплексы каршында узды.

Рөстәм Миңнеханов хокук саклау сакчыларына көндәлек хезмәтләре өчен, аеруча коронавирус пандемиясе аркасында кертелгән чикләү чараларын тәэмин итүдә катнашканнары өчен рәхмәт белдерде.

«Сезнең һөнәри бәйрәмегез алдыннан республика җитәкчелеге һәм шәхсән үз исемемнән сезгә хезмәтегез һәм республикада хокук тәртибен һәм тотрыклылыкны тәэмин итүдә Росгвардия зур роль уйнаган чаралар өчен рәхмәт белдерәсем килә. ТАССР йөз еллыгы, Бөек Җиңүнең 75 еллыгы, Россия Конституциясенә төзәтмәләр буенча тавыш бирү, җирле хакимият органнарына сайлаулар-болар барысы да югары оештыру дәрәҗәсендә узды», — дип мөрәҗәгать итте росгвардиячеләргә Рөстәм Миңнеханов.

Автомобильләр барлык кирәкле җиһазлар белән җиһазландырылган, шул исәптән тавыш һәм ут сигналлары. Аларга Росгвардиянең төсле буяулары төшерелгән.