Татарстанлыларны озын эш атнасы көтә
Киләсе шимбәдә эш көне озынлыгы бер сәгатькә кыскартылачак.
23 февраль - Ватанны саклаучылар көнен бәйрәм итү уңаеннан Татарстан халкын озын эш атнасы көтә. Бу хакта ТР Хезмәт, эш белән тәэмин итү һәм социаль яклау министрлыгы матбугат хезмәте хәбәр итә.
«РФ Хезмәт кодексының 112 нче маддәсе нигезендә 23 февраль - Ватанны саклаучылар көне - эшләми торган бәйрәм көн булып санала. РФ Хөкүмәте карары белән шимбә, 20 февраль - ял көне 22 февраль - дүшәмбегә күчерелә», - дип искәрттеләр министрлыкта.
Шулай итеп, киләсе эш атнасы алты көнгә кадәр озайтылды, ул 15еннән 20 февральгә кадәр дәвам итәчәк. 20 февральдә эш көне озынлыгы бер сәгатькә кыскартыла. 21, 22 һәм 23 февраль көннәре ял көннәре булачак.
Чыганак: "Татар-информ"
Следите за самым важным и интересным в Telegram-каналеТатмедиа
