Татарстанда Яңа ел бәйрәмнәрендә почта һәм күпфункцияле үзәкләрнең ничек эшләячәге билгеле булды

31 декабрьдә почта бүлекчәләре тиешледән бер сәгатькә кимрәк эшләячәк. Тәүлек буе эшли торган бүлекләр 1 гыйнварда 10.00 сәгатьтә ачылачак, ә калганнары 1, 2 һәм 7 гыйнварда эшләмәячәк. Бу көннәрдә корреспонденция һәм басмалар да китерелмәячәк.

Ә 3, 4, 5, 6, 8, 9 һәм 10 гыйнварда барлык почта бүлекләре гадәти график буенча эшләячәк.

КФҮ офисларына килгәндә, Татарстанда алар 31 декабрьдән 10 гыйнварга кадәр ябык булачак. Шул ук вакытта якшәмбе, 27 декабрь, алар өчен эш көне, әмма бер сәгатькә кыскартылган.

– Бөгелмәдә КФҮ 9:00дән 17:00 сәгатькә кадәр эшләячәк. Район филиалларында эш көне 27 декабрьдә 8:00дән 16:00 сәгатькә кадәр дәвам итәчәк, – дип аныклыйлар Татарстан Цифрлы үсеш, элемтә һәм массакүләм коммуникацияләр министрлыгында.