Татарстанда «Сәламәтлек гади генә» дигән яңа профилактик онлайн-проект старт ала

26 ноябрьдә ТР сәламәтлек саклау министрлыгы һәм Казан дәүләт медицина университеты инициативасы һәм ТР Хөкүмәте ярдәме белән «Сәламәтлек гади генә» дигән яңа профилактик онлайн-проект старт ала.

Проектның максаты – халыкның санитар грамоталылыгын арттыру йогышлы булмаган һәм социаль әһәмиятле йогышлы авыруларны профилактикалау.

Проект атна саен «YouTube» каналында – «Здоровье просто» каналында туры эфирда узачак.

Беренче эфир 26 ноябрьдә «Күкрәк сөтенә – өстенлек» темасына узачак. Очрашуга Ләйлә Ринат кызы Фазлыева (ТР Премьер-министры урынбасары) һәм Анна Анатольевна Бабинцева (ТР сәламәтлек саклау министрлыгы  штаттан тыш баш неонатологы, Казан шәһәре 7нче хастаханәдә неонатология буенча баш белгеч, Казан Дәүләт медицина университетының   госпиталь педиатриясе кафедрасы ассистенты, медицина фәннәре кандидаты) чакырылдылар.

Каналга язылырга мөмкин: https://www.youtube.com/channel/UCronIH3BkoR4xhACePpUcZA