Татарстанда парклар һәм скверларны төзекләндерү өчен тавыш бирү дәвам итә

Быел 57 парк һәм скверны төзекләндерүгә «Уңайлы шәһәр мохите формалаштыру» төбәк проекты буенча республикада «Торак һәм шәһәр мохите» милли проекты буенча 1,95 миллиард сум акча тотылачак. Күп кенә районнарда кайбер объектларда эшләр башланган инде.

Хәзер 2022 елда үзгәрәчәк иҗтимагый территорияләр өчен онлайн-тавыш бирү уза. Киңлекләрне республика дәүләт хезмәтләре порталында һәм «ТР Хезмәтләре»мобиль кушымтасында сайларга мөмкин. Сораштыру 30 майда төгәлләнәчәк.