Татарстанда кызлар дөньяда хатын-кызларның роле мөһим булу турында ролик төшергән

Илһамландыргыч видео социаль челтәрләрдә пәйда булды, анда Татарстан кызлары дөньяда хатын-кызларның әһәмияте турында сөйлиләр. Әлеге эшкә нигез салучы ТР Яшьләр парламенты рәисе Нина Шимина булды.

Роликта дүрт кыз бар, аларның һәркайсы билгеле бер образга ия. Алар киләчәккә өметле ышаныч турында сөйли.

Ролик төрле хатын-кызларның коронавирус пандемиясе үзгәрткән тормыш яссылыгында, киләчәккә һәм дөнья турында уй-фикерләрен күрсәтә.

Инстаграмдагы битендә Нина Шимина һәр хатын-кыз көн саен бик күп карарлар кабул итә, социаль һәм сәяси тормышта актив катнаша, дип яза.

«Исегездә тотыгыз, Татарстан Президенты белән бергә пандемия вакытында рульдә кемнәр торды: Ләйлә Фазлыева, Марина Патяшина, Эльмира Зарипова» – дип саный Шимина.

Ролик авторлары фикеренчә, Татарстанда актив, битараф булмаган, рухландыручы хатын-кызлар яши.

Видео социаль челтәрләрдән файдаланучылар арасында киң таралды – кызлар бер-берсен хуплый һәм #женщинымогутвсе #сделайсвойвыбор хештеглар белән ролик урнаштыра.