Татарстанда илкүләм проект буенча 126 берәмлек җәмәгать транспорты сатып алыначак

Татарстанда 126 берәмлек җәмәгать транспорты сатып алыначак. Бу хакта «Татар-информ»МА яза.

«Шәһәр агломерацияләрендә пассажир транспортын модернизацияләү» федераль проекты ярдәмендә «имин сыйфатлы юллар» милли проекты кысаларында тормышка ашырыла торган 40 зур сыешлы газ-мотор ягулыгында эшләүче автобус, 68 зур класслы автобус һәм 18 түбән идәнле трамвай сатып алыначак.

Моннан тыш, юл-транспорт һәлакәтләре нәтиҗәсендә юлларда үлем-китем санын киметү өчен республикада 20 чакрымга якын киртәләр, 2,5 меңнән артык юл билгесе һәм 57 ясалма тигезсезлек урнаштырылачак. Планда 71 җәяүлеләр кичү юлын төзекләндерү һәм 7 км дан артык ясалма яктырткыч урнаштыру каралган.