Татарстанда Җиңү көнендә 26 градуска кадәр җылытачак

9 майда көндез республика территориясендә 26 градуска кадәр җылылык көтелә, дип хәбәр итә ТР Гидрометеорология үзәге матбугат хезмәте.

Бүген республика территориясендә туфракта туңарга мөмкин, моннан тыш, көндез көчле җил фаразлана.
Шимбә көнне республика көнбатыш циклонының алгы өлешендә тотрыксыз һава массасында урнашачак. «Алмашынучан болытлы һава көтелә. Урыны белән бераз яңгыр явачак. Көньяк-көнчыгыштан талгын җил. Һава температурасы төнлә-6-11 градус. Көндез максималь - 19-24 градус», - дип хәбәр итәләр синоптиклар.

9 майда төнлә явым-төшем көтелми, әмма көндез яңгыр явуы ихтимал, көчле җил тизлеге секундына 15 метрга кадәр.
Алдан фаразлаулар буенча, дүшәмбе көнне урыны белән бераз яңгыр явачак. Һава температурасы төнлә һәм иртән 8дән 13 градуска кадәр, көндез 18-23 градуска кадәр җылыначак.
11 майда явым-төшем ихтималы аз булачак. Төнлә — 6-11 градус, көндез-19-24 градус.