Бугульминская газета

Бөгелмә районы

18+
Рус Тат
Яңалыклар

Татарстанда “Демография” илкүләм проекты кысаларында, эшсез аналарны бушлай укытачаклар

Татарстанда ел саен 1,5 мең ананы укыту ниятләнә.

 Алты яшькә кадәр баласы булган һәм беркая эшләмәгән аналар өчен уку-өйрәнү, квалификация күтәрү курслары оештырыла. Бу хакта «Татар-информ» агентлыгында матбугат конференциясендә республиканың хезмәт, халыкны эш белән тәэмин итү һәм социаль яклау министры Эльмира Зарипова әйтте.

Ул «Демография» илкүләм проекты кысаларында ярдәм чараларына тукталды. «Быелдан яңалык кертелә. Хәзер декрет ялындагы хатын-кызлар гына түгел, алты яшькә кадәр баласы булган, беркая эшләмәүче, эш эзләп, мәшгульлек үзәкләренә мөрәҗәгать иткән аналар да яңадан берәр һөнәргә укытылачак», — диде министр.

2020 елда Россиядә 40 мең хатын-кызны яңадан укыту планлаштырыла. Татарстанда бу эшкә 87 млн сумга якын акча бүлеп бирү ниятләнә, 70 млн сумы — федераль казнадан. 2020 һәм 2021 елларда 1,5 меңешәр ананы укыту ниятләнә.

Чыганак: https://www.tatar-inform.ru/

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса