Татарстанда алты сутый җир кишәрлегенә ташламадан 390 мең салым түләүче файдаланган

(Казан, 3 декабрь, «Татар-информ», Диана Авакян). Татарстанда 390 мең салым түләүче (пенсионерлар, инвалидлар һәм башка категория вәкилләре) алты сутый җир кишәрлегенә салымны киметү рәвешендәге ташламадан файдаланган. Бу хакта «Татар-информ» агентлыгына Россия Федераль салым хезмәте ТР буенча идарәсенең бүлек башлыгы Елена Корчагина хәбәр итте.

«Быел әлеге ташламадан 390 мең салым түләүче файдаланды, ташламаның гомуми күләме 187 миллион сум тәшкил итте», - диде ул.

Җир кишәрлегенең мәйданы 600 квадрат метрдан артмаса, җир салымы алынмый. Әгәр шуннан артып китсә, салым калган мәйданга исәпләнә.

«Мондый ташлама физик затның милкендә булган бер җир кишәрлегенә карата бирелә. Икенче җир кишәрлегенә исә салым гомуми тәртиптә салыначак», - дип искәртте Елена Корчагина.

Фото: https://tatar-inform.tatar/news/2018/12/03/176313/