Татарстанда 55 яңа COVID-19 очрагы теркәлгән

Татарстанда коронавирустан үлүчеләр саны 107гә җиткән

Республикада Covid-19 инфекциясеннән тагын ике үлем очрагы теркәлгән.

Татарстанда тагын ике кеше Covid-19 яңа коронавирустан вафат булды. Бу хакта ТР Сәламәтлек саклау министрлыгының матбугат хезмәте хәбәр итә.

«Кичә Татарстанда коронавирус инфекциясеннән ике үлем очрагы расланды», – диделәр министрлыкта.

1957 елда туган ир-атны хастаханәдән тыш ике яклы пневмония белән салганнар. Аның сәламәтлек торышына хроник авыруларның кискенләшүе йогынты ясаган.

1967 елда туган ир-ат та коронавируска шикләнелеп хастаханәгә китерелә. Аны дәвалау сулыш алу җитешсезлеге аркасында кыенлашкан.

Ике очракта да үлем сәбәпләре патологоанатомик экспертиза нәтиҗәсендә билгеләнгән, вирус идентификацияләнгән, диделәр ведомствода.

Татарстанда 23 октябрьгә Covid-19 коронавирусы аркасында 107 үлем очрагы теркәлгән.

Татарстанда 55 яңа COVID-19 очрагы теркәлгән

Шуларның 2се – читтән кертелгән, калганнары – элемтәләр нәтиҗәсе.

5 кеше хастаханәгә урнаштырылган, 50 кеше өйдә дәвалана.

Яшь төркемнәре буенча:

18 яшькәчә – 1

18 яшьтән 30 яшькәчә – 5

30 яшьтән 50 яшькәчә – 25

50 яшьтән 60 яшькәчә – 12

60 яшьтән 70 яшькәчә – 11

70 яшьтән 80 яшькәчә – 1

80 яшьтән 90 яшькәчә – 0

90 яшьтән өлкәнрәк – 0

Шәһәр һәм районнар буенча җыентык:

1. Казанда – 32

2. Яр Чаллыда – 4

3. Әлмәттә – 1

4. Буа районында – 2

5. Югары Ослан районында – 1

6. Алабугада – 1

7. Лаеш районында – 2

8. Лениногорскийда – 1

9. Яңа Чишмә районында – 1

10. Нурлатта – 7

11. Балык Бистәсе районында – 2

12. Тукай районында – 1

Республикада бөтен вакыт эчендә 8097 коронавирус белән зарарлану очрагы ачыкланган.
Барлыгы 6917 кеше сәламәтләнгән, шул исәптән 24се – узган тәүлектә.