Татарстанда 11 гыйнварда булачак салкыннар сәбәпле шторм кисәтүе игълан ителде

«Татарстан Республикасының Гидрометеорология һәм әйләнә-тирәлеккә мониторинг идарәсе» ФДБУ мәгълүматлары буенча, 11 гыйнварда төнлә Бөгелмәдә көчле суыклар көтелә. Һава температурасы -29..-34°кә кадәр төшәчәк, аерым районнарда -35..-40°.

Көндез алмашынучан болытлы һава көтелә. Күбесенчә явым-төшемсез. Җил көньяк-көнбатыш уртача. Көндез максималь һава температурасы -16..-24˚. Юлларда бозлавык.