Татарстан сөт сату күләме буенча Россия төбәкләре арасында лидерлар рәтендә

Россия төбәкләре арасында Татарстан Республикасы сөт сату күләме буенча лидерлар рәтенә керде, дип хәбәр итә Татарстан Республикасы Авыл хуҗалыгы һәм азык-төлек министрлыгының матбугат хезмәте.

Барлыгы сигез төбәк тулаем савым буенча яхшы нәтиҗәләр күрсәтте.

«Бүгенге көндә республика буенча тулаем савым 3,6 мең тонна тәшкил итә, бу, узган ел белән чагыштырганда, 221,5 тоннага күбрәк (106,5%). Бер сыердан көнгә 16,4 килограмм сөт савылган, бу узган ел күрсәткеченнән 1,8 килограммга артыграк», – дип билгеләп үттеләр матбугат хезмәтендә.

Республикада тәүлеклек сөт сату 4,1 мең тонна тәшкил итә.

Исегезгә төшерәбез, Бөгелмә сөт комбинаты 40тан артык төрдә свежий сөт продукциясе сата. Иң күп сатыла торганы – май, аны берьюлы берничә пачка сатып алалар. Кыйммәт булмаган бәяле сырлар сөт майларын алыштырмыйча әзерләнгән.