Татарстан сәламәтлек саклау министры самолетта аңын югалткан хатын-кызны коткарган
Татарстанның сәламәтлек саклау министры Марат Садыйков Дубайдан Казанга очкан самолет бортында аңын югалткан ханымга ярдәм итә. Бу хакта «Татар-информ»га мәгълүматны ведомствоның матбугат хезмәтендә расладылар.
Бер пассажирның хәле начарлангач, бортпроводник салонда табиб бармы-юкмы, дип ярдәм сораган.
Хәбәрне ишетеп, Марат Садыйков ярдәм итәргә алынган. Ул, кислород баллонын кулланып, хатын-кызны аңына китергән.
Следите за самым важным и интересным в Telegram-каналеТатмедиа