Татарстан синоптиклары урманда янгын чыгу куркынычы зур булуы хакында кисәтте
15 июльдән республикада янгын чыгу куркынычы аркасында урманга керү тыела.
Татарстан синоптиклары урманда янгын чыгу куркынычы зур булуы хакында кисәтте. Бу хакта ТР Гидрометорология һәм әйләнә-тирә мохитне күзәтү идарәсенең матбугат хезмәтеннән хәбәр иттеләр.
23-27 июльдә республика территориясендә урманнарда янгын чыгу куркынычы зур булуы турында шторм кисәтүе игълан ителде.
«Урманнарда урыны белән янгын чыгу куркынычы саклана (4 класс), Татарстанның көнчыгыш районнарында исә урманнарда янгын чыгу куркынычы аеруча зур (5 класс), - дип искәрттеләр идарәдә.
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
