Татарстан шәхси санлы сертификатлар программасына теркәлү саны буенча алда бара

Татарстан республикасы – шәхси санлы сертификатлар программасында катнашучы 48 төбәк арасында иң активы. Без теркәүләрнең гомуми саны буенча гына түгел, хупланган гаризалар саны буенча да беренче урында торабыз.

Әйтик, безнең республикадан программага 7 541 кеше теркәлгән инде. Икенче һәм өченче урыннарда Башкортстан (6 704 гариза) һәм Ростов өлкәсе (5 867 гариза) тора.

Шул ук вакытта Татарстан хупланган гаризалар саны буенча да алда бара: 4 899 татарстанлы программада катнашу өчен хупланган инде.

Халыкның 22 ИТ-юнәлеш буенча бушлай онлайн-уку мөмкинлеге алу өчен нибары бер көн калды. Гаризалар иртәгә кабул ителәчәк. Хәзер проектка 140 меңгә якын кеше гариза биргән инде, алар үзара 33 мең сертификат бүлешәчәк.

Шәхси санлы сертификатлар программасына теркәлү цифровойсертификат.рф сайтында башкарыла. Шунда ук катнашу шартлары турында бөтен мәгълүмат урнаштырылган. Әгәр сездә сораулар бар икән, контакт-үзәккә 8 800-600-35-15 телефоны буенча мөрәҗәгать итегез.

Исегезгә төшерәбез, халык языла ала торган барлык белем бирү курслары цифровойсертификат.рф сайтында  махсус каталогта урнаштырылган.

Татарстан Республикасы мәгълүматлаштыру һәм элемтә министрлыгы

[1] https://xn--80adjkcael4abtflqeskx.xn--p1ai/