Татарстан Республикасы Президенты Р. Н.Миңнеханов «Газ. Нефть химиясе» күргәзмәсендә «Транснефть» ГАҖ стендын карады

«Транснефть - Прикамье» АҖ генераль директоры Р.Ә. Галиев Президентка төбәктә магистраль нефть һәм продуктүткәргечләр системасын үстерүнең агымдагы торышы һәм перспективалары, предприятие объектларында заманча җиһазлар үзләштерү турында сөйләде.

Аерым алганда, Р.Ә. Галиев 2020 елның Компаниядә Сәнәгать куркынычсызлыгы һәм җитештерү контроле елы дип игълан ителүен билгеләп үтте. Шуңа бәйле рәвештә, «Транснефть – Прикамье» АҖ алдында торган төп бурыч – магистраль торбаүткәргечләр системасын эксплуатацияләүнең югары дәрәҗәдә ышанычлы булуын тәэмин итү, аларны модернизацияләү, заманча энергия нәтиҗәлелеге һәм ресурслар саклый торган технологияләр кертү. Соңгы өч елда гына да Татарстан Республикасында предприятиенең җитештерү инфраструктурасын модернизацияләүгә кертемнәр күләме 30 млрд сумнан артык тәшкил итте, якындагы 5 елда бу күрсәткеч 58 млрд сум дәрәҗәсендә планлаштырыла.

«Нефть. Газ. Нефтехимия» күргәзмәсендә 100гә якын Россия һәм чит ил предприятиеләре катнаша.

Быел чара беренче тапкыр Казанда «Казан Экспо» Халыкара күргәзмә үзәге территориясендә уза. Күргәзмә 2020 елның 4 сентябренә кадәр дәвам итәчәк.