Татарстан Республикасы Президенты каршындагы Эшкуарлык советы Бөгелмәдә күчмә утырыш үткәрде

Эшкуарлык советы - эшкуарларның хакимият органнары белән хезмәттәшлеге мәйданчыгы, анда бизнес вәкилләре идеяләре, инициативалар хәл итү һәм гамәлгә ашыру өчен актуаль мәсьәләләр тәкъдим ителщ. Эшмәкәрләр эшмәкәрлек мохитен яхшырту, артык бюрократик процедураларны киметү буенча проектларның инициаторлары булып торалар.

Бөгелмә муниципаль районы эшкуарлары бизнес-омбудсмен Тимур Нагуманов оештырган очрашу барышында хакимият органнары җитәкчеләренә актуаль сораулар бирә, бизнес алып бару барышында барлыкка килгән проблемаларны күрсәтә алдылар. Эшкуарлык советы утырышы спикерлары сыйфатында Татарстан Республикасы бизнес-омбудсмены Тимур Нагуманов, Бөгелмә муниципаль районы башлыгы, Бөгелмә шәһәре мэры Линар Закиров, ТР прокуроры урынбасары Марат Долгов, Федераль салым хезмәтенең ТР буенча идарәсе урынбасары Андрей Никитин, эшмәкәрләргә ярдәм итү республика фонды җитәкчесе Айдар Салихов чыгыш ясады.