Татарстан Кытайга хәләл үрдәк һәм күркә ите җибәрергә планлаштыра

(Казан, 11 май, “Татар-информ”). Татарстанның өч предприятиесе Көньяк-Көнчыгыш Азия илләре һәм Кытай базарларына хәләл ит продукциясе чыгарырга планлаштыра. Бу хакта “Татар-информ” агентлыгына “Россия – Ислам дөньясы: KazanSummit” Халыкара икътисад саммитында Татарстан Республикасы авыл хуҗалыгы һәм азык-төлек министры урынбасары Ришат Хәбипов хәбәр итте.

“Татарстанда 47 предприятиенең хәләл продукция җитештерү буенча сертификатлары бар. Хәләл продукция җитештерү өчен халыкара сертификатлар алуга “Рамаевское”, “Залесный” һәм “Чаллы- Бройлер” компанияләре теләк белдерде”, - диде Хәбипов.