Сүз дә дәвалый
“Ялкын” социаль приютында тәрбияләнүчеләр балалар хастаханәсенә барып “Һәркемгә – елмаю” дип аталган чара үткәрделәр.
Уен-көлке, шат елмаюлар бу көнне 15 бала өчен иң нәтиҗәле дару булды: кызлар һәм малайлар уйнадылар, шаярдылар, бер-берсе белән якыннан таныштылар һәм хастаханәдә күңелсез дип санала торган вакытны рәхәтләнеп уздырдылар.
Очрашу ахырында чараны оештыручылар балаларга шарлар бүләк иттеләр. “Әти-әниләрдән, якын дуслардан башка, хастаханәдә күңелсез, билгеле. Әмма бүген балалар бик шат булдылар – “очрашу” дигән микстура бик файдалы булды,” – ди елмаеп, балалар хастаханәсенең икенче бүлегендә эшләүче шәфкать туташы Надежда Николаевна.
Анастасия НАТАЛЬИНА директор урынбасары
Элеонора ФӘТКУЛЛИНА фотосы
Следите за самым важным и интересным в Telegram-каналеТатмедиа