Совет гаскәрләрен Әфганстаннан чыгаруга – 30 ел

Анда депутатлар, хәрби хәрәкәтләр ветераннары, һәлак булган сугышчы-интернационалистларның аналары һәм тол хатыннары, муниципалитет, җәмәгать оешмалары вәкилләре, яшь гвардиячеләр катнашты. Әфганстанның утлы юллары аша 285 бөгелмәле үткән. Аларның 80нән артыгы югары хөкүмәт бүләкләре белән бүләкләнгән – 11 сугышчы үлгәннән соң бүләкләнгән.

Митингта шулай ук сугышчы-интернационалистлар күмелгән урыннар буенча традицион чаңгы десанты да старт алды. “Бердәм Россия яшь гвариясе” җирле оешмасы вәкилләре һәм кадет мәктәбе укучылары Подгорный авылына юл тотты. Анда ветераннар белән очрашу һәм һәйкәлгә чәчәкләр салу оештырылды. Алга таба “Истәлек вахтасы” чаңгы десанты Әфганстанда һәм Төньяк Кавказдагы сугышларда катнашкан 5 кешенең каберләре урнашкан Соколка авылына юнәлде.

4 километр узганнан соң, яшь гвардиячеләрне һәлак булучыларның туганнары каршы алды. Биредә гражданнар митингы оештырылды. Катнашучылар алдында Подгорный авыл җирлеге Советында “Бердәм Россия” депутатлар төркеме җитәкчесе Марат Мөбәрәкшин, шәһәр һәм район хәрби комиссары Рафаэль Миннетдинов, “Бердәм Россия” партиясенең җирле бүлекчәсе башкарма комитеты җитәкчесе Әнвәр Әхмәдиев, хәрби хәрәкәтләр ветераннары һәм һәлак булган сугышчыларның туганнары чыгыш ясады. Алар яшьләргә интернациональ бурыч, Әфганстанда гаскәрләрнең урнашу максатлары һәм бурычлары турында сөйләделәр. “Без халыкара террорчылык юлында беренче булып торучылары”, – диделәр алар. “Сез, балалар – булачак Ватанны саклаучылар, үз тормышларын Ватан өчен биргән егетләр хистәлегенә тугры булыгыз!”. Аннан соң яшьләр солдат каберләренә чәчәкләр салдылар һәм һәлак булучыларны бер минут тынлык белән искә алдылар.

Ләйсән ИЗОТОВА, партиянең җирле бүлек башкарма комитетының әйдәп баручы белгече

Автор фотосы.