“Сокольская курчаночка” ансамбле курчаннарның фольклор мирасын сәхнә югарылыгында таныта

Бөгелмә шәһәре һәм районы элек-электән җыр-моңга гашыйк кешеләре белән дан тоткан. Быел без шәһәребездә һәм авылларыбызда яшәп мәдәният өлкәсендә иҗат итүче талантлар турында “Җәүһәрләрне – бөртекләп” рубрикасында язарга булдык.
Проектыбызның беренче кунагы бик күп муниципаль, региональ, халыкара бәйгеләр җиңүчесе “Сокольская курчаночка” вокаль ансамбле. Коллектив эшчәнлегенең төп максаты – милли вокал һәм хореография сәнгате традицияләрен саклау һәм үстерү.