Син дә, әйдә, безнең белән!

10 февральнең кояшлы иртәсе спортка гашыйк дүрт меңләп бөгелмәне Чаңгы базасына җыйды. Ярышларда шәһәребез предприятиеләре һәм уку йортларының вәкилләре, ветераннар катнашты. Чаңгычыларның саны шул кадәр күп иде ки, стартка халык берничә рәт булып басты. Боларның, дәррәү кубып, җиңү дәрте белән урыныннан кузгалуын күрү үзе генә дә мәшһүр Олимпия уеннарын хәтерләтте. Хәер, бу ярышлар һәр ел саен шундый ук күңел күтәренкелеге белән уза. Чаңгы спорты, ниндидер бер могҗизаи сәбәп белән, шәһәрдәшләребезнең иң яраткан спорт төре булып кала. Бу хакта тулырак газета битләреннән укыгыз.