“Син бит минем бергенәм!” бәйгесе нәтиҗәләре: Вилдановлар гаиләсе беренчелектә бара!

Әлеге сәгатьләргә "Син бит минем бергенәм!" бәйгесе конкурсантларына тавыш бирү нәтиҗәләре буенча Регина һәм Шамил Вилдановлар 449 тавыш белән беренчелектә баралар. Икенчелектә - Ишмиевлар (443 тавыш), өченчелектә - Сәйфетдиновлар гаиләсе (417 тавыш).

Дүшәмбе көнне "Бөгелмә авазы" газетасы сайтында (www.bugulma-tat.ru) "Син бит минем бергенәм!" бәйгесендә катнашучы парларга тавыш бирү старт алды. Ул баш биттә, уң як баганада эленгән! 12 февральдә тавыш бирү төгәлләнә: җиңүче парны игълан итәчәкбез. Конкурсантлар белән сез түбәндәге ссылка буенча кереп таныша аласыз: http://www.bugulma-tat.ru/tt/the-news-tat/item/8533-i..

Әлбәттә инде, беренчелеккә чыгучы парны үзенчәлекле бүләк - спонсорыбыз "Аристократ" ресторанында 2 меңлек кичке аш көтә. Алай гына да түгел, бәйрәм программасы бик күңелле узачак: сезне алып баручы, вокал, дискотека һәм рестораннан бүләкләр көтә, фотосессия өчен махсус урын да каралган.

Тавышны көн дә бирергә кирәк. Шунсыз җиңүгә ирешеп булмаячак. Дусларыгызны, туганнарыгызны "эшкә җигегез"!