“Шелковый путь” узышчылары Бөгелмәгә килә

Автокараван 13 сәгатьтә Техника йорты каршына килеп җитә. Кунакларга бәйрәм программасы күрсәтеләчәк, легендар ралли экипажлары белән рәсемгә төшү өчен махсус фотозона эшләячәк.

Быел узышлар “Сиань-Мәскәү” маршруты буйлап узачак. Көч сынашу инде 15 июльдә старт алачак. Старт Кытайның борынгы шәһәрләренең берсе – Сианьда бирелә. Марафонның гомуми озынлыгы 5 947 километр тәшкил итә. Спорт экипажларының финишы 27 июль көнне Мәскәүнең үзәгендә – Кызыл мәйданда көтелә.