Шадриков татарстанлыларны санитар-экологик икеайлыкка чыгарга чакырды

Татарстан Республикасында беренче апрельдә санитар-экологик икеайлык башлана. ТР Экология һәм табигый ресурслар министры Александр Шадриков татарстанлыларны, яшәү урыннарында тәртип урнаштыру өчен, көчләрен берләштерергә чакырды.

"Табигатьне саклау эшендә фикердәшләр — халык, волонтерлар, иҗтимагый оешмалар активистлары арта бара. Быел да без аларның ярдәменә өметләнәбез", - диде ул.

Узган ел, үз-үзеңне изоляцияләү аркасында, икеайлык коммуналь хезмәткәрләр, юл төзүчеләр һәм муниципаль берәмлек хезмәткәрләре җилкәсенә төшә.

Элегрәк" БА " Бөгелмәдә беренче гомумшәһәр өмәсе узачагын хәбәр иткән иде.