Сара Садыйковага багышлап

Китапханәнең "Илһам чишмәләре" музыкаль кунакханәсендә Сара Садыйкова иҗатына багышланган "Халкыбызның моңлы сандугачы" дигән кичә булып узды. Аны ак калфаклы сандугач "үзе" ачып җибәрде. Аннары алып баручылар җырчы һәм композиторның биографиясендәге бик күп кызыклы фактларны ачып салдылар, иҗаты, тормыш юлы турында сөйләделәр. Ә инде Сара Садыйкованың Эдуард Гафиятуллин, Людмила Габдрахманова, Әлфия Нурмөхәммәтова, Сәгыйдә Гыймаева башкарган җырлары беркемне дә битараф калдырмады. Кичә "Җидегән чишмә" җырын күмәкләп башкару белән тәмамланды.