Россиядә фастфудтан алынган салымнарны симерүне дәвалауга тотарга тәкъдим иттеләр
Борис Менделевич мәгълүматларына караганда, артык тән массасы РФ гражданнарының 55% ында бар.
Фастфудтан кергән салымнарны Россиядә симерүне профилактикалауга һәм дәвалауга юнәлдерергә тәкъдим иттеләр. Бу хакта РФ Дәүләт Думасының ТР депутаты Борис Менделевичка сылтама белән “РИА Новости” хәбәр итә.
«Мин хәзер мәсьәләне өйрәнәм һәм мондый закон проектын эшләү мөмкинлеген карыйм. Минемчә, яңа документ өч төп аспектны чагылдырырга тиеш: продуктларның калориясен чикләү, фастфудка салымны һәм ярлылык дәрәҗәсен киметүне. Бу юнәлештә системалы эш алып бару гына кешеләрнең сәламәтлеген сакларга мөмкинлек бирәчәк», - дип уртаклашты Менделевич.
Аның сүзләренә караганда, хәзер Россиядә тән массасы артык булудан кешеләрнең 55%ка якыны җәфалана. Шуңа күрә әлеге проблемага каршы көрәш буенча закон кабул итү зарур.
Шулай ук, эксперт фикеренчә, «төрелмәләрдәге продуктның калориялелеге турында мәгълүматны арттыру, шулай ук менюда калориялелек турында мәгълүматны бастыру» яхшы нәтиҗә бирергә мөмкин. Парламентарий Салым кодексына да шундый үзгәрешләр кертергә тәкъдим итә. Фастфуд сатудан җыелган салымнарны симерүгә бәйле авыруларны профилактикалауга һәм аларга каршы көрәшкә юнәлдерергә кирәк.
Следите за самым важным и интересным в Telegram-каналеТатмедиа
