«Россия лидерлары» конкурсы финалисты компаниясе Иннополис резиденты булды
Виктор Никитинның «Бипиум» платформасы программистлардан башка гына корпоратив кушымта булдырырга мөмкинлек бирә.
«Иннополис» махсус икътисадый зонасы резиденты – «Россия лидерлары» конкурсы финалисты Виктор Никитин җитәкләгән компания. Бу хакта Татарстан Президенты каршындагы дәүләт хезмәте һәм кадрлар департаменты сайтында хәбәр ителә.
«Бипиум» ҖЧҖ, 2019 елгы Татарстан Республикасы Президентының кадрлар резервы катнашучысы һәм "Россия лидерлары" ВКУ финалисты Виктор Никитин җитәкчелегендәге Иннополис резиденты булды», – диелә хәбәрдә.
Компания программистлар катнашыннан башка биг-дата һәм нейрон челтәрләренең алымнары хисабына корпоратив кушымталар эшли.
«Бипиум» – «Иннополис» МИЗның 10 яңа резидентының һәм партнерларының берсе, алар 550 эш урыны булдырачак. Узган дүшәмбе, 24 августта, игълан ителгән инвестицияләрнең гомуми күләме 30,8 млрд. булган әлеге компанияләрнең проектлары Татарстан Президенты Рөстәм Миңнеханов рәислегендә узган Совет утырышында расланды.
Следите за самым важным и интересным в Telegram-каналеТатмедиа
