Футбол йолдызын аэропортта йөзләгән җанатары каршы алган, әмма Криштиану Роналду алар янына чыкмаган. Бу хакта социаль челтәрләрдән кулланучылар хәбәр итә.
Шулай да Криштиану Роналду Казанга рәхмәтен җиткерергә өлгергән инде: үзенең инстаграмына "Рәхмәт, Казан!" - дип язып куйган.
Кайбер мәгълүматлар буенча, Португалия җыелмасы Казанда Ramada кунакханәсенә урнашкан һәм күнегүләрен Соцгородтагы "Рубин"ның базасында уздырачак.
Конфедерацияләр кубогы кысаларында Португалия футболчылары беренче матчын 18 июньдә "Казан Арена" стадионында Мексика җыелма командасына каршы уздыра. Моннан тыш алар 21 июньдә Мәскәүдә - Россия, 24 июньдә Санкт-Петербургта Яңа Зеландия командалары белән очраша.
