Республика ярдәм фондыннан өч ел эчендә 6 меңнән артык кеше акча алган
Яртысыннан артыгы банклар банкротлыгыннан зыяннарын тулысынча каплаган.
Өч ел эчендә Республика ярдәм фонды банклар банкротлыгыннан зыян күргән 6 меңнән артык физик һәм юридик затка акча түләгән. Аларның яртысыннан артыгы үз югалтуларын тулысынча каплаган. Бу хакта «Татар-информ» мәгълүмат агентлыгында узган матбугат конференциясендә Татарстан Республикасы Премьер-министрының беренче урынбасары Рөстәм Нигъмәтуллин хәбәр итте.
«6101 кешегә түләүләрнең гомуми суммасы якынча 2 млрд сум тәшкил иткән, өстәвенә, 3617 кеше, ә бу 55 проценты, үз акчаларын тулысынча кире кайтарган», – диде Нигъмәтуллин.
Ул Республика ярдәм фонды проекты Россия өчен уникаль һәм РФнең бер генә субъектында да мондый оешма юк, дип искәртте.
Следите за самым важным и интересным в Telegram-каналеТатмедиа
