Павлова: Казанда махсус олимпиада үткәрү Татарстанның инклюзив спортка керткән өлешен чагылдыра

Җәмгыятьтә адаптив физкультура белән шөгыльләнү мөмкинлекләрен киңәйтүгә сорау формалаша, шуңа күрә Казанда махсус Олимпиада үткәрү җанатарлар өчен бик кирәкле булачак. Мондый фикерне Татарстаннан РФ Дәүләт Думасы депутаты Ольга Павлова белдерде.

«Татарстан адаптив физик культураны үстерү һәм Казанда Махсус Олимпиада уздыру өчен мөмкин кадәр күбрәк көч куя – бу республиканың инклюзив спортка керткән өлешен тану», – диде Павлова.

Парламентарий сүзләренчә, мондый чаралар үткәрүдә төп бурыч – мөмкинлекләре чикләнгән кешеләр үзләрен җәмгыятьнең тулы кыйммәтле әгъзалары итеп хис итү.

«Тагын бер мөһим моментны билгеләп үтәсем килә – мондый ярышлар һәр кеше безнең дөньяның никадәр уалучан булуын аңласын өчен кирәк. Сабыр, игътибарлы һәм битараф булмау мөһим. Бу Бөтендөнья кышкы уеннарының махсус Олимпиаданың төп юлламасы», – дип ассызыклады Павлова.

Махсус Олимпиада уздыруга Гайдар форумы-2021 кырларында аерым дискуссия багышланган иде. Анда Татарстан Президенты Рөстәм Миңнеханов һәм РФ спорт министры Олег Матыцин катнашты. Үз чыгышында Рөстәм Миңнеханов Казанда Махсус Олимпиада Россиядә киртәләрсез мохит үсешенә һәм инвалидларны җайлаштыру өчен яңа инструментлар булдыруга яңа этәргеч бирәчәк, дигән фикер белдерде.

Махсус Олимпиаданың Бөтендөнья кышкы уеннары Казанда 2022 елның 22 гыйнварыннан 28 гыйнварга кадәр узачак. Уеннарда дөньяның 110 иленнән 3 меңгә якын спортчы, тренерлар һәм рәсми затлар катнашачак.

Россия махсус Олимпиадасының Татарстан бүлеге 2017 елның декабрендә оештырылган. Бүгенге көндә әлеге хәрәкәттә 3 меңгә якын катнашучы катнаша, шул исәптән атлетлар, партнерлар, тренерлар һәм волонтерлар. Бу 2дән 22 яшькә кадәрге спортчылар. Хәрәкәт 50дән артык оешма, шул исәптән спорт мәктәпләре һәм федерацияләре, тернәкләндерү үзәкләре, ата-аналарның иҗтимагый берләшмәләрен үз эченә ала. Республикада мөмкинлекләре чикләнгән кешеләр өчен 17 спорт төре үсә, шул исәптән футбол, армспорт, бадминтон, йөзү, өстәл теннисы һәм җиңел атлетика.