Өч меңнән артык бөгелмәле коронавирустан прививка ясаттылар

Бүгенге көндә барлыгы 3266 бөгелмәлегә прививка ясалган. Бу планның 7,5% ын тәшкил итә. Аларның 47% - 60+яшьтәге шәһәрлеләр. Бу хакта атналык эшлекле дүшәмбе вакытында «Бөгелмә РҮХ» ДАССОның баш табибы Александр Иванов хәбәр итте.

Бөгелмә муниципаль районы башкарма комитеты җитәкчесенең социаль мәсьәләләр буенча урынбасары Ольга Плеханова коронавирустан вакцинаның беренче компонентын алды. Шулай ук Бөгелмә муниципаль районы башлыгы урынбасары Фәнис Мөхәммәтов та катнашты

Алар барысы да Гамалеи исемендәге үзәк тарафыннан эшләнгән "Гам-КОВИД-Вак" препараты (вакцинаның сәүдә атамасы — "Спутник V") белән вакцинацияләүне уздылар. Ул дөньяда һәм Россия Федерациясендә теркәлгән беренче коронавирус вакцинасы булып тора. Тикшеренүләрнең соңгы мәгълүматлары буенча, аның нәтиҗәлелеге 91,6% тәшкил иткән. Шул ук вакытта 60 яшьтән өлкәнрәкләр төркеме арасында күрсәткеч 91,8% тәшкил итте.

Вакцинация пункты Октябрьский урамындагы «Бөгелмә РҮХ» ДАССОның сырхауханәсендә эшли. Бөгелмәлеләр Прививкага биш ысул белән языла алалар: РФ Дәүләт хезмәтләре бердәм порталы (ЕПГУ); Татарстан Республикасы дәүләт һәм муниципаль хезмәтләр порталы; 122 бердәм номер; КФҮгә мөрәҗәгать иткәндә һәм (85594)39-0-38 телефоны буенча „Бөгелмә РҮХ“ ДАССОның шәһәр сырхауханәсендә яки 506 нчы кабинетта.