Мөстәкыйль хәл итәләр

Агымдагы елның 1 октябреннән Россия Феддерациясе Гаилә кодексының 11нче маддәсе, 1нче пунктына, “Гражданлык хәле турында”гы Федераль законның 26, 27нче маддәләренә һәм “Гражданлык хәле турында”гы Федераль законның 26нчы маддәсенә үзгәрешләр кертү турында”гы Федераль законның 1нче маддәсенә кертелгән үзгәрешләр үз көченә керде.

Бу төзәтмәләр нәтиҗәсендә, хәзер гражданнар никахны дәүләт теркәве датасын һәм вакытын мөстәкыйль сайлап билгели алалар. Әмма бу вакыт ЗАГСка гариза биргән көннән алып, бер айдан да алдарак һәм 12 айдан да соңрак булырга тиеш түгел. Никахлашырга теләүчеләр язма рәвештә яки электрон юл белән дәүләт һәм муниципаль хезмәтләрнең бердәм порталы аша ЗАГСка уртак гариза язалар. Аларның уртак фикере белән, никахны дәүләт теркәве  билгеләнгән вакыт ЗАГС органы җитәкчесе тарафыннан үзгәртелә дә ала.

Ләйсән САБИРОВА,

Бөгелмә шәһәре прокуроры өлкән ярдәмчесе.